Til innholdet
fhf.no Prosjektbasen 900811

Prosjektnummer

900811

Prosjektinformasjon

Prosjektnummer: 900811
Status: Avsluttet
Startdato: 01.01.2012
Sluttdato: 28.02.2014
Fagfelt: Felles satsingsområder; Marint restråstoff

Internasjonal konferanse om marine ingredienser 2013 (International Marine Ingredients Conference 2013 (MIC2013))

MIC ble arrangert på Holmenkollen Rica Park Hotell fra 22. til 24. september 2013. Ansvarlig for MIC 2013 var Fiskeri- og havbruksnæringens landsforening (FHL). Programmet var satt sammen av en programkommite bestående av Ola Flesland (Vedde AS) (leder), Karl Almås (SINTEF Fiskeri og havbruk), Bente Ruyter (Nofima), Gunnar Berge (Pronova Biopharma ASA), Gunn Harriet Knutsen (FHL) og Stein Ove Østvik (FHF).

Det var 187 deltakere på konferansen, hvorav 57 % var fra næring/industri. 24 % av deltakerne var utenlandske. Det ble totalt presentert 55 foredrag og 25 postere.

Etter arrangørens egen vurdering hadde man gjennom programkomiteen laget et profesjonelt og faglig godt konferanseprogram som framstod som attraktivt både for norske og utenlandske deltakere.

Gjennom denne konferansen mener FHL at man har lykkes i å synliggjøre norsk industri og kompetanse på området marine ingredienser. Tittelen på årets konferanse var “From science to industrial Production” og gjenspeilet den positive utviklingen denne sektoren er inne i. Konferansen befestet Norges sterke posisjon på området internasjonalt og FHLs posisjon nasjonalt i følge FHL.
Den første Marine Ingredients Conference (MIC2010) hadde 235 deltakarar, jf FHF-prosjekt 900080. 

FHL ser det som viktig å byggje vidare på kunnskaps- og kompetanseformidlinga om den nasjonale- og internasjonale marine ingrediensindustrien, som MIC2010 la grunnlaget for. FHL ser på konferansen som eit viktig tiltak for å byggje opp Noreg som ein autoritet innan marine ingrediensar.

Prosjektet fell innanfor FHF sitt satsingsområde, der FHF har definert marint restråstoff – totalutnytting av fiskeråstoffet – som eit strategisk satsingsområde for 2011–2014.
• Å verta oppfatta som den viktigaste internasjonale konferansen innan marine ingrediensar, med presentasjon av kunnskapsfronten både industrielt og forskingsmessig.
• Å setja saman eit profesjonelt og fagleg godt konferanseprogram som står fram som attraktivt både for deltakarar frå Noreg, men ikkje minst også frå utlandet.
• Å syna interessante resultat og “case” – både frå industrien og frå forsking.
• Å fungera som ein god nettverksarena.
Marint restråstoff har eit stort uutnytta verdiskapingspotensial.

Utvikling av marin ingrediensindustri er eit norsk satsingsområde, og er gitt prioritet både i Fiskeri- og kystdepartementet og i næringa, ved FHL.

Noreg er i dag ein autoritet innan marine ingrediensar.  Konferansen vil vise kva ein nasjonalt har av kunnskap og kompetanse innan marine ingrediensar og vekke den internasjonale marknaden si interesse for området. Det vil samtidig gi norske aktørar kunnskap på dette området frå næring / FOU-miljø i andre land.

Erfaringane frå 2010 er at det er kostbart og tidkrevjande å arrangere ein stor internasjonal konferanse. Det er eit omfattande arbeid med planleggjing, høge utgifter knytt til reiser og opphald for utanlandske innleiarar, profilering og annonsering (nasjonalt og internasjonalt) og ikkje minst gjennomføring av konferansen. Det er ei smertegrense for nivået på konferanseavgift med tanke på å få utanlandske deltakarar til Noreg. I tillegg er opphald i Noreg også sett på som kostbart.
Konferansen vert lagt til Holmenkollen Park Hotel Rica, 22.—24. september 2013. Det er lagt opp til mottaking sundag kveld og deretter to fulle konferansedagar.

Det er budsjettert med 150 betalande deltakarar. Målet er å få 250 betalande deltakar.

Arbeidet er fordelt mellom ein organisasjonskomité (OK) og ein programkomité (PK). Begge desse er oppnemnt. OK er ansvarleg for gjennomføring av konferansen, medrekna økonomi, annonsering, påmelding og alt av administrativt arbeid. PK har hovudansvar for det faglege innhaldet og for å skaffe innleiarar. PK skal ha sitt første møte 1.3.2012, og vil bruke det neste året på å setje saman eit program av fagleg høg kvalitet og jobbe mot nasjonale og internasjonale innleiarar. Det er førebels sett ein frist for endeleg lukking av programmet til 1.3.2013.

FHL vil, saman med programkomitéen, leggje til rette for at FHF og andre som medverkar finansielt til konferansen vert involvert i planleggjinga av arrangementet slik at ein kan nyttiggjere seg fagkompetansen som FHF og andre sit på feltet marin ingrediensindustri.

OK vil delvis basere seg på innleidd prosjektassistanse frå Trude Olafsen ved SINTEF Fiskeri og havbruk. Det vart gjort også for arrangementet MIC2010. Utover dette vil FHL stille tilstrekkeleg ressursar til disposisjon for arrangementet.

Marknadsføring av konferansen vil skje ved:
• opptrykk av ein brosjyre (“flyer”) (som er tenkt oppdatert fleire gonger)
• internett-side
• annonsering på andre internettsider
• utsending e-post til rundt 1000 relevante mottakarar
• annonsering (fiskeriaviser, nettstadar)

Prosjektet / konferansen er planlagt finansiert gjennom konferanseavgift, kommersielle sponsorar og direkte støtte.
Det vil ikkje vere noko oppfølgjande informasjonsarbeid, utover at foredraga vert lagt ut på nettsidene til MIC2013.
 
I samband med konferansen vil ein også leggje til rette for ein “postersesjon”. Under MIC2010 vart det utstilt 30 postere. Dette er ein arena for fagleg diskusjon og marknadsføring for dei som er med. Det vil verte laga ei samling av samandrag (“abstracts”) frå postersesjonen som vil verte distribuert til deltakarane, i tillegg til at dei vert offentleggjort på internettsida til konferansen.

Relaterte FHF-prosjekter

Maring fagdag 2014 Prosjektnummer: 901059
FHF-fagdag marint restråstoff 2013 Prosjektnummer: 900947
Maring Fagdag 2012 Prosjektnummer: 900845
Struktur og lønnsomhetsutvikling i norsk marin ingrediensindustri 2007–2010 Prosjektnummer: 900684
Internasjonal konferanse marine ingredienser 2010 Prosjektnummer: 900080

Medieomtale

FHL i førersete for stor internasjonal konferanse
Matindustrien
keyboard_arrow_up